page view image

Har du sett nokon gamal kjerring?

Arrangementsinformasjon
event image

Kulturminnedagen: Ta med familien på song og forteljeførestilling på Hardanger folkemuseum 11. september kl 13!

Det var ein gong ein konge og ei dronning som budde i eit bitte lite kongerike. Dei hadde ein katt, ein hane, ein stor frukthage, og så hadde dei ni ungar.
Ein dag fekk ungane dela frukthagen mellom seg, men då gløymde dei minste syster si, så ho fekk berre eit einaste lite tre. Brått ein dag kom det ei gammal kjerring.

Med utgangspunkt i eventyret «Epletreet til den minste prinsessa» har Astri Sudmann og Kari Finne Sognnæs laga ei song- og forteljeførestilling.
Songane som blir brukt er stort sett lokale folketonar, der ungane får vera deltakande. «Har du sett nokon gammal kjerring?» handlar om venskap, og verdien av å dela med dei rundt seg.

Medverkande:
Astri Sudmann - forteljing og song
Kari Finne Sognnæs - song og rytmeinstrument

I samarbeid med hardingfela.no

Billett til framsyninga er inkludert i billetten til kulturminnedagen: Vaksne 150,- Born 50,- Familie: 350,-